Chorus:
Wohi Sab Say Meeti Zubaan Hai,
Jo meray Nabi ki sana karey.
Rahey jis mein yaad Hazoor ki,
Mera Rab woh dil bhi aata karey.

Jo maza hai Zikr-e-Habib mein,
Hai kisi, kisi kay naseeb mein.
Wohi ranj-o-gham say bacha rahey, Jo Nabi ko yaad kiya karey.

Chorus

Milay hum ko aisay kareem hain,
Jo azeem say bhi azeem hain.
Woh jo dushmanoon kay liye bhi Aman-o-sakoon ki, dua karay.

Chorus

Mera sukh Madina Paak mein hazari,
Mera dukh Madina Paak say wapasi.
Jo wahan chalo to dua karo, Na wahan say Allah juda kary.

Chorus

Menay App ka naam, jahan liya,
Huwa mujh pay sara jahan fida.
Yeh zahoor banda-e-pur khata, bhala kaisay shukar aata karay.

Naat Information

Recited By: Sahibzada Muhammad Hassan Haseeb-ur-Rehman Sajjada Nasheen Darbar Alia Muhammadia Eid Gah Sharif