Ilahi Teri Chokhat Per Bhikari Ban Ker Aya Hoon Lyrics


Zahir ki ankh se na tamasha kare koi,
Ho dekhna to deeda-e-dil wah kare koi,
Parh bethay kiya samajh ker bhala toor per kaleem
Takkat ho deed ki to taqaza kare koi

Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.

Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,

Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.

Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.

Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.

Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.

Lyrics & Video Information:
Artist: Junaid Jamshed
Video Title: Multazim Par
Kalaam By: Mufti Taqi Usmani
Album: Jawa-e-Janaan

Leave a Reply

Your email address will not be published. Required fields are marked *

We are glad you have chosen to leave a comment. Please keep in mind that comments are moderated according to our comment policy.

  1. ayeza zahid

    this is very sweet and beautiful naat and is ko dekh kar asoo aneay lagteay hain agar koi namaz nahi parhta to wo is ko dekh kar namaz parh leay ga

    Reply
    1. Shakeel Ahmed Khan

      Ya Nat nhen. Naat nabi ki tareef ko kehtey hen. Ya haseen Dua ha.

      Reply
  2. Waseem Rehan

    me and my daughter like very much this pray outstanding Duwa of Junaid Jamsheed.

    Reply
  3. zar

    Another heart touching naat mashallah keep it up junaid Allah aapko isteqamat Ata farmaye ameen

    Reply
  4. Bilal Iqbal

    oh….mere Bhai ye naat nahi Hamad hai….is me Allah k se manga ja raha hai plz naat or Hamad me difference samjha Karo naat me hazrat Muhammad ki tareef byan hoti hai jab k Hamad me Allah tala ki

    Reply
  5. Shakeel Ahmed Khan

    Ya nat nhen ha. Nat nabi ki tareef ko kehtey hen. Ya haseen dua ha.

    Reply