Ilahi Teri Chokhat Per Bhikari Ban Ker Aya Hoon Lyrics - Junaid Jamshed

By: 

Ilahi Teri Chokhat Per Bhikari Ban Ker Aya Hoon Lyrics


Zahir ki ankh se na tamasha kare koi,
Ho dekhna to deeda-e-dil wah kare koi,
Parh bethay kiya samajh ker bhala toor per kaleem
Takkat ho deed ki to taqaza kare koi

Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.

Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,

Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.

Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.

Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.

Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.

Lyrics & Video Information:
Artist: Junaid Jamshed
Video Title: Multazim Par
Kalaam By: Mufti Taqi Usmani
Album: Jawa-e-Janaan


More Islamic Lyrics

  1. Palestine Lyrics - Labbayk
  2. Children of the World Lyrics - Ahmad Hussain
  3. Bismillah Lyrics - Native Deen
  4. He is the One Lyrics - Abdullah Rolle
  5. Ab To Bas Lyrics - Ahmad Hussain
  6. Dil Jis Se Zinda Hain Lyrics - Ahmad Hussain
  7. Aa Dil Mein Tujhe Rakh Loon Lyrics - Owais Raza Qadri
  8. Ajab Rang Par Hai Bahare Madina Lyrics - Naat Lyrics
  9. The Key Lyrics - Sami Yusuf
  10. Long Ago – 610 Lyrics - Khaleel Muhammad
  11. You Came To Me (Turkish) Lyrics - Sami Yusuf
  12. It’s Jumuah “Friday” Lyrics - Raef
  13. Subhana Allah (Turkish Version) Lyrics - Maher Zain
  14. Laylatul Qadr Lyrics - Native Deen
  15. The Lord of the Worlds Lyrics - Labbayk
  16. All For You Lyrics - Noor
  17. Syed Nay Karbala Main Waday Nibha Diye Hain Lyrics - Abdul Rauf Rufi
  18. Freedom Ain’t Free (feat. Nano Omar) Lyrics - Raef
  19. Shafa’a – ????? Lyrics - Jabar Abdollah
  20. Peace Be Upon You Lyrics - Maher Zain
  21. Mein Jashn E Aamad E Sarkar Lyrics - Owais Raza Qadri
  22. All It Takes Lyrics - Fez Meghani
  23. Climb With Me Lyrics - Gaith Adhami
  24. Insya Allah (Malay) Lyrics - Maher Zain
  25. Imdad Kun Lyrics - Owais Raza Qadri

COMMENTS

Subscribe
Notify of
guest

341 Comments
Newest
Oldest Most Voted
Inline Feedbacks
View all comments
341
0
Would love your thoughts, please comment.x
()
x