Haqeeqat Mein Woh Lutf e Zindagi Lyrics

Haqeeqat me woh lutfe zindagi paya nehi karte
Jo yaad e Mustafa se dil ko behlaya nahin kartay.

Zaban per shikwae ranj o alam laya nahin karte
Nabi kay naam lewa gham say ghabraya nahin karte.

Yeh darbaar e Mohammad hai yahan apnoon ka kiya kehna
Yahaan se hath khali gheir bhi jaya nehi karte.

Are o na samaj qurbaan hoja Inke roze par
Yeh lamhe zindagi me baar baar aya nehin karte.

Yeh he darbaar e Muhammed hai yahaan milta hei bemange
Are nadan yahaan daman ko phelaya nehi karte.

Madinay jo bhi jata hai, woh jholi bhar kay lata hai
Sakhi data hain khali haath lotaya nahin kertay.

Mohammad Mustafa key bagh key sabh phool aise hain
Jo bepani ke tar rehte hain murjaya nahi karte.

Nadamat sath le kar hashr mein ae aasio jana
Suna hei sharm waloon ko woh sharmaya nehi karte.

Jo unke damaan e rehmet say wabasta hai ae Hamid,
Kisi kay samnay woh haath phelaya nehi karte.

Mohammad Mustafa ki shaan e rehmet to zarah dekho,
Sittam sehte to hain lekin sittam daya nehi karte.

Aggar ho jazba e sadiq to aksar humne dekha he,
Woh khud tashreef le ate hain tarpaya nehi karte.

Haqeeqat me woh lutfe zindagi paya nehi karte,
Jo yaad e Mustafa se dil ko garmaya nehi karte.

Naat Information

Naat Khawan: Mohammad Mushtaq Qadri

Share on FacebookTweet on Twitter

11 Comments


  1. Muhammad Minhaj Atta July 5, 2010
    • Faisal siddique August 21, 2011
  2. M Asif Naeem November 10, 2010
  3. Khadim Hussain April 29, 2011
  4. Shafiah Siddiqua November 19, 2011
  5. Laiba January 23, 2012
  6. ZulfiqarAhmadNaqshbandi.com February 12, 2012
  7. Shahnawaz bashir July 27, 2014
  8. Nisar husain boat June 7, 2015
  9. Mubashar August 6, 2016
  10. Faizan Asghar Qadri Budauni December 11, 2016

Leave a Reply