Share on FacebookTweet on Twitter

Dil Madinah Mera Bana Aaqa Lyrics

Dil madinah mera bana Aaqa (SAW),
Ho mujhe chashm-e-nam ataa Aaqa (SAW).

Ab huzoori ho, dur doori ho,
Phir madinay mujhe bula Aaqa (SAW).

Maut kay baad, bhi suroor aaye,
Aisi ulfat ki mai pila Aaqa (SAW).

Mujh ko Siddiq (Radi Allahu Anhu) ki sadaqat ka,
Koi zara Tu (SAW) kar ataa Aaqa (SAW).

Kash roay Khashiyat-e-Rab say,
Behr-e-Farooq (Radi Allah Anhu) dil mera Aaka (SAW).


Behr-e-Usman (Radi Allah Anhu) ba haya mujh ko,
Dijiye dolat-e-haya Aqa (SAW).

Behr-e-Mola Ali (Alaihis Salaam) mujhe ghalba,
Dushmano per tu kar ataa Aaka (SAW).

Az paye Fatima (Radi Allahu Anha) mujhe apnay,
Ishq mein har ghari rula Aaka (SAW).

Behr-e-Hasnain (Radi Allahu Anhu) day panah mujh ko,
Paikar-e-sabr or riza Aaqa (SAW).

Mujh ko sadqay mein Bu-Hanifa (Radi Allah Anhu) kay,
Aalim-e-baa amal bana Aaqa (SAW).

Waasta tujh ko Ghous-e-Azam (Radi Allah Anhu) ka,
Naik seerat mujhe bana Aaqa (SAW).

Waasta tujh ko Alahazrat (Radi Allah Anho) ka,
Tu mujhe muttaqi bana Aaqa (SAW).

Mere ahlo-ayaal ore mujh say,
Door ho jaye har bala Aaqa (SAW).

Muskura kar Ubaid say keh do,
Tu mera banda mein tera Aaqa (SAW).

Urdu Naat Information:
Sana Khuwaan: Owais Raza Qadri
Kalaam By: Obaid-E-Raza

6 Comments

  1. ummai August 25, 2010
  2. samina March 10, 2011
  3. samina March 11, 2011
  4. mohd ahmed December 13, 2011
  5. Laiba202 February 2, 2012
  6. Laraib20 May 15, 2012

Leave a Reply

Your email address will not be published. Required fields are marked *