Ilahi Teri Chokhat Per Bhikari Ban Ker Aya Hoon Lyrics


Zahir ki ankh se na tamasha kare koi,
Ho dekhna to deeda-e-dil wah kare koi,
Parh bethay kiya samajh ker bhala toor per kaleem
Takkat ho deed ki to taqaza kare koi

Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.

Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,

Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.

Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.

Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.

Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.

Lyrics & Video Information:
Artist: Junaid Jamshed
Video Title: Multazim Par
Kalaam By: Mufti Taqi Usmani
Album: Jawa-e-Janaan

341 Comments


Leave a Reply


  1. maria February 4, 2016
  2. blank soha shakil March 29, 2016
    • blank Mohammad Shahnawaz December 20, 2016
  3. blank Aqsa Nadeem June 8, 2016
  4. blank Muhammad June 17, 2016
  5. blank Jalal Rajpoot July 5, 2016
  6. blank DRx Shahrukh Siddiqui an October 7, 2016
  7. blank Saifullah November 1, 2016
  8. blank Rabia December 7, 2016
  9. blank mati malik December 8, 2016
  10. blank ameer hamza December 8, 2016
  11. blank MD WASIM ALAM OSAMA December 9, 2016
  12. blank MD WASIM ALAM OSAMA December 9, 2016
  13. blank MD WASIM ALAM OSAMA December 9, 2016
    • blank Shakilsir Kaviwala Blackburn Uk December 25, 2016
  14. blank Riffat sajjad December 9, 2016
  15. blank huda nayyer December 10, 2016
  16. blank Shah December 10, 2016
  17. blank Aqsa December 11, 2016
  18. blank Noor Fatima December 12, 2016
  19. blank Noor Fatima December 12, 2016
  20. blank Wareesha December 15, 2016

Leave a Reply

Send this to a friend