Ramzan Ke Roze Aye

By: 

Ramzan Ke Roze Aye Lyrics

Yaar idhar aao, woh dekho Ramzan ka Chand nazar aa gaya!!

Ramzan Ke Roze Aye, dil jhoom jhoom jaye!

Aie mere Allah mujh pay karam yeh farmana,
Roaza rakhoon ga sehri mein mujh ko jaganah,
Ramzan Ke Roze Aye, dil jhoom jhoom jaye!

Hum roza rakhna chahein, Mama humein samjhaye
Roza rakhna aglay saal, Roza rakhna aglay saal,

Conversation # 1:
Kid#1 – Uffoo tumhein kiya huwa Muzzamil, tum kyun udaas baithay ho,
Kiya bataoon yaar, meri Mama toh mujhay kabhi bhi roza nahin rakhnay deti.
Kid# 2 – Kyun bhai kyun, woh kiya kehti hain?
Kid# 1 – Meri Mama kehti hain.
Din hai bara aur tum ho chotay, maan bhi jao na meray baitay,
Bhook lagay gi, pyaar lagay gi, sara din kuch kha nahin saktay.

Conversation # 2:
Kid#1 – Lekin tum batao Hamza, kiya tumhari Mama tumein roza rakhnay dein gi?
Kid#2 – Nahin yaar, meri Mama toh baray pyaar say samjhati hain.
Kid#1 – Acha woh kiya kehti hain?
Kid#2 – Meri Mama toh yeh keh deti hain.
Abhi to chotay bachay ho, mana mann ke sachay ho,
Mama ki aankh ke taray ho,Baba ke dularay ho,
Roza aglay saal rakhna, maan lo baat hamari,
Dhoom dham say lal hamaray, roza kushai ho gi tumhari.

Conversation # 3:
Kid#1 – Yaar Khizr tum to roza rakhtay hogay, tumharay ghar walay toh nahin mana kertay houn gay.
Kid#2 – Nahin yaar meray ghar walay toh har saal yehi kehtay hain.
Kid#1 – Kiya kehtay hain Khizr? Humein bhi batao.
Kid#2 – Ammi jaan to yehi kehti hain.
Meri maan nay bola beta theek hai beta roza rakh lena,
Bachoon ka roza aadha hai, din mein khana kha lena,
Kid#3 – Phir toh tumein bohat gusa aaya hoga, to tum nay kya kiya?
Kid#2 – Mamma Papa pyaar karein aur dadoo bolein kha lo kuch,
Maan ke ghar waloon ka kehna, kha leta hoon aik khana.

Jo roza nahin rakhtay, woh achay nahin hotay,
Unhein Rabb na bakhshay ga, jo Rabb say nahin dartay.

Aao jo log roza rakhtay hain, hum sab mil ker unke haqq mein dua kertay hain.

Jo roza rakhtay hain, unhein sehat de Mola,
Jo roza rakhtay hain, unhein himat de Mola,
Jo roza rakhtay hain, unhein taqat de Mola,
Hassan Imam Qadri ko bakhsh de Mola.

Achi tarah say jaan gaye, Maa Baap ka kehna maan gaye,
Roza rakhein gay aglay saal, Roza rakhein gay aglay saal.


More Islamic Lyrics

  1. Mohammed Ke Shaher Mein [Part 3-3]
  2. First We Need the Love
  3. Mast Qalandar
  4. Ya Mustafa Ata Ho
  5. One Day
  6. Noor Wala Aya Hai
  7. Peace Remain
  8. Allah The Almighty
  9. Aie Mere Baba Jaan
  10. Open Your Eyes
  11. Elahi Madad Kar Madad Ki Ghari Hai
  12. Hansa
  13. Without You Lyrics (ACOUSTIC – ARABIC)
  14. Marhaba Mustafa
  15. Ya Taiba
  16. 25 Prophets
  17. Your Mercy
  18. Nas Teshbehlena
  19. Fragile World
  20. Falling
  21. Qasidah Burdah
  22. Without You
  23. Aaqa
  24. Aseer Ahsan
  25. Dragged from Karbala

Leave a Comment