Kya Mahekte Hain Mahekne Wale

By: 

Kya Mahekte Hain Mahekne Wale Lyrics


Kya Mahekte Hain Mahekne Wale
Boo Pe Chalte Hain Bhatakne Wale

Jagmaga Uthi Meri Gor Ki Khaak
Tere Qurbaan Chamakne Wale

Mahe Bedaag Ke Sadqe Jaaun
Yun Damakte Hain Damakne Wale

Arsh Tak Phaili Hai Taab E Aariz
Kya Jhalakte Hain Jhalakne Wale

Gul E Taiba Ki Sana Gaate Hain
Nakhl E Tooba Pe Chahekne Wale

Aasiyo! Thaam Lo Daaman Un Ka
Wo Nahin Haath Jhatakne Wale

Abr E Rehmat Ke Salaami Rehna
Phalte Hain Paude Lachakne Wale

Arey Ye Jalwa Gaahe Jaanan Hain
Kuch Adab Bhi Hain Phadakne Wale

Sunniyo! Un Se Madad Maange Jao
Pade Bakte Rehte Hain Bakne Wale

Sham’e Yaad E Rukh E Jaanan Na Bujhe
Khaaq Ho Jaaye Bhadakne Wale

Maut Kehti Hai Ke Jalwa Hai Qareeb
Ek Zaraa So Lein Bilakne Wale

Hum Bhi Khumhlaane Se Gaafil The Kabhi
Kya Hansa Gunche Chatakne Wale

Nakhl Se Chhutke Ye Kya Haal Huwa
Aah! O Patte Khadakne Wale

Jab Gire Munh Sooye Maikhana Tha
Hosh Mein Hai Ye Behekne Wale

Dekh O Zakhm E Dil Aape Ko Sambhal
Phoot Behte Hain Tapakne Wale

Mae Kahaan Aur Kahaan Main Zaahid
Yun Bhi To Chhakte Hain Chhakne Wale

Kaf E Dariya E Karam Mein Hai Raza
Paanch Fawware Chhalakne Wale


More Islamic Lyrics

  1. Muhammad Nabina
  2. Unki Kiya Baat Hai
  3. Masha Allah (Arabic Version)
  4. Yeh Jo Halka Halka Suroor
  5. Ya Nabi Salam Alaika Ya Rasool Salam Alaika
  6. Look Into My Eyes
  7. Al-Amin
  8. Forgotten Promises
  9. Aie Mout Thahar Jaa
  10. Day of Eid
  11. Ghar Lut Gaya
  12. Khorasan
  13. Insan
  14. I Turn To You
  15. Aye Mere Asghar E Bezubaan
  16. 99 Names of Allah
  17. Likh Raha Hoon Naat E Sarwar
  18. La’alla Khair
  19. Close Your Eyes
  20. Man In The Mirror
  21. Alvida Alvida Mahe Ramzan
  22. Aaqa Meriyan Akhiyan Madine Wich Reh Giyan
  23. Hum Apne Nabi Ke Deewane
  24. Shahe Madina
  25. Cadence

2 thoughts on “Kya Mahekte Hain Mahekne Wale”

  1. Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah

    Tu Hi Sab Ka Maalik He
    Tu Hi Sab Ka Khaaliq He
    Saare Jahaa’N Me Ibaadat Ke
    Ik Bas Tu Hi Làayiq He……

    TereHi Aage Sar Ye Jhuke
    Tujh SeHi Maange Bande Tere
    Parhte Rahe Bas Kalma Tera
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah
    ………………………
    Saans Me Tu Dhadkan Me Tu
    Is Dil Ke Darpan Me Tu
    Soch Me Tu He Khayaal Me Tu
    Khwabo Ke Aangan Me Tu…..

    Nas Nas Me He Tuhi Tu
    Rag Rag Bole Allahu
    Ang Ang Se Bhi Aaye Nida
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah
    ………………………

    Dunya Ke Kaafir O Mushrik
    But Ki Ibaadat Karte The
    Chhoor Ke Apne Khaaliq Ko
    Gair Ke Aage Jhukte The….
    Mere Nabi Ne Farmaya
    Sab Ka He Bas Ek Khuda
    Har Jaanib Se Aayi Sada
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah
    ………………………

    KaliyaN Kalma Parhti He
    Bulbul Kalma Parhti He
    Qur’aa Kehta He Har Shay
    Zikr Khuda Ka Karti He….
    Huro Malak Aur Jinno Bashar
    Shams o Qamar Aur Sang o Shajar
    Karte He Sab Wasf Tera
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah
    ………………………
    Bakhsh Hamaare Jurmo Ko
    Bakhsh De Saari Khataawo Ko
    Sahwan Qasdan Kar Bethe
    Hum Jitne Bhi Gunaaho Ko……
    Tujh Se Tauba Karte He
    Rabbig Firli Parhte He
    Karte He Fir Zikr Tera
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah
    ……………………..
    De De Shifa Bimaaro Ko
    Be Bas Aur Be Chaaro Ko
    Kar De Gani Maqruzo Ko
    Gurbat Ke Sab Maaro Ko…..
    Sab Par Maula Karde Karam
    Sab Ka Rakh Le Aaj Bharam
    Jo Parhte He Kalma Tera
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah
    ……………………..

    Ya Rab “Turkee” Ki He Dua
    Imaa’N Par Ho Maut Ata
    Waqt Naz’a Ka Jab Ho Mera
    Sar Ho Mera Sajhde Me Jhuka….
    Pyare Nabi Par JaaN Ho Fida
    Saamne Ho Unka Jalwa
    Lab Pe Ho Jaari Ye Kalma
    La-ilaaha illallah

    Hasbi Rabbi Jallallah,
    Maafi Qalbi Gairullah,
    Noore Muhammed Sallallah,
    La-ilaaha illallah

    ✍🏼

    💖Abu Zaiba💖
    Mushtaq Ahmed
    “Turkee”

    Reply

Leave a Comment